-
L'òbra causida en cicle 3 Annada 1
Aqueste annada , faguèri las arts plasticas en talhièrs e botèri en plaça quicòm que los mainatges an fòrça aimat: l'òbra causida.
Lo fonccionament :
- 4 còlas viravan sus 4 talhièrs de 45 min ( òbras / produccion escrita / jòcs de lenga o de matematicas / talhièr informatica ) sul meteis jorn : lo dijòus . Aquel jorn es sovent un jorn dificile dins la setmana al nivèl concentracion mas amb los talhièrs venguèt lèu lo jorn que lor agradava lo mai.
- prepausavi un tèma e una tecnica puèi cadun èra liure de crear una òbra a son biais .
- Cada còla passava al talhièr "òbra" 1 còp per setmana pendant 15 jorns ( la primièra setmana èra per s'entraïnar , la dusena per acabar son òbra), daissava lo temps de faire mai d'una creaccion mas ne caliá seleccionar una sola per la presentacion . Al cap de 15 jorns se fasiá la causida de l'òbra ( 1 sola òbra presentada per mainatge ) .
- Cada mainatge que presentava son òbra aviá 3 vòtes mas deviá votar per 3 òbras diferentas. Podiá votar tanben per son òbra .
- Era pas una obligacion de botar son òbra a la causida mas los que volián pas presentar lor òbra, votavan pas : aquela règla permetèt d'aver gaireben toltemps la totalitat dels mainatges que presentavan e doncas una vertadièra varietat dins la causida.
- L'òbra causida èra afichada dins lo canton de las òbras causidas mas i aviá tanben un endreit dins la classa per afichar totas las autras creaccions .
- Sus l'annada tota , i aguèt solament 1 mainatge que foguèt causit 2 còps !
- Per cada tèma i aviá de modèls ( ex: modèls d'arbres per la prima - Modèls de boca, d'uèlhs , de nas pel retrait…), d'exemples o d'explicacions per una tecnica especiala.
Tèmas e tecnicas :
Annada 1:
- La Preistòria / utilisacion de pigments e carbonets / modèls d'animals preistorics
- La vila / gredons grafits/ modèls de diferents punts de vista ( en perspectiva, en plan, vista de dessús, vista de fàcia …)
- La davalada / gredas de cira e tinta/ modèls d'arbres
- Lo retrait / pastels secs/ modèls d'uèlhs, nas e boca.
- La simetria / descopatge negre e blanc ( pas de modèl ) mas explicacion de la tecnica .
- Los aucèls / aquarela / modèls d'aucèls.
- Marina ( trabalh sus la prigondor ) intervencion d'una mamà, animatriça a la fondacion Bemberg a Tolosa / goache
- Lo volum / gredons de papièr e gredons grafits / modèls de formas en volum.
- La montanha / aquarela
- La prima ( pendent lo confinament ) / gredons de color/ pas de modèl mas de ligams per dessenhar amb de gredons de color:
- La crotz occitana ( pendent lo confinament ) / Tecnica liura / ficha- ajuda per traçar la crotz occitana.
- Las illusions d'optica ( pendent lo confinament )/ tecnica liura / balhat d'exemples d'illusions.
- Al biais de Matisse ( pendent lo confinament) / descopatge / diferentas òbras de Matisse ( agachadas solament).
- La paret traucada/ futres o gredons de color/ modèl per dessenhar la paret traucada
Tags : òbras, arts plasticas
-
Commentaires
Mercé Murièl, una idèa de las bonas!