Los mestièrs se cambian a cada debuta de periòd per los que vòlon cambiar mas es pas obligatòri: se i a pas diguns que vòl faire lo mestièr e qu'es plan fait, es possible de lo gardar l'annada tota. 

Los mestièrs son totes pagats e los de netejaires  ( netejar taulas, eissugar e montar las cadièras, passar la balaja e netejar l'aiguièr) son pagats lo doble dels autres perque son longs e un pauc dificile a faire.

I a a pauc pres la mitat de la classa que fan de netejaires a la fin de la classa , es un pauc complicat a gerir que son numeroses ( 14 mainatges ), remplaça pas la neteja per l'òme de neteja emplegat per l'associacion mas es una brava ajuda per el e permèt als mainatges de se responsabilizar cap a la netetat de l'endreit ont trabalhan cada jorn..

I a pas de cintas per causir un mestièr mas un mainatge  se pòt véser tirar un mestièr e remplaçat per un autre se fa pas correctament ( bota d'aiga pertot, jòga amb la balaja…)

Fasèm un consèlh de mestièr abans de ne cambiar en debuta de periòd mas se pòt faire remarcas, felicitacions , criticas, mercejaments a propaus dels mestièrs ...dins los consèlhs setmanièrs .

Per l'afichatge dels mestièrs  :

- Las fichas son plastificadas

- los pichons noms son pegats a la patafix en fàcia de cada mestièr.

- lo nombre correspond al nombre de mainatges que pòdon faire aquel mestièr.

- es afichat a un endreit visible e consultable aisidament.