Lo primièr jorn de la dintrada foguèt ritmat al long de la jornada per l'escota de diferents estils musicals amb l'escantilhatge de cançons occitanas. Musica e dança faràn partida del projècte de l'annada.

Cadun aviá una ficha, e a cada extrait escotat, se legiguèt lo paragraf sul genre musical e se colorèt las estelas en fonccion de lor vejaire sus la cançon ( pas cap d'estela se lor agradava pas e de 1 a 3 estelas per graduar lor vejaire) . A la fin de la jornada comptèri l'ensemble de las responsas e lendeman lor balhèri la resulta de las cançons qu'avián agradat mai o mens a la classa.

Aviái causit 5 extraits, vaquí los ligams:

 - Lo Dalfin: La reina 

Grop occitan originari de las valadas italianas

 escotar aquí

- Alidé Sans:So Jó

Una jova cantaira Aranesa, plena d'energia.  

escotar aquí

 - La Mal Coiffée: la pernèta

Grop polifonic lengadocian que los mainatges an  jà crotzats dins lo repertòri de cancçons las annadas precedentas.

escotar aquí

- Caliu :Doman farà jorn

Entre musica e poesia, lo slam los a un pauc perdut. La tòca èra de vèser la musicalitat e lo ritme de las frasas e dels mots e tanben las variacions, las pausas ...quicòm que trabalharem de segur dins l'annada !

escotar aquí

- Minvielle: La vie d'ici bas

De francés e d'occitan que se mesclan , d'aliteracions e un ritme un pauc fòl...foguèri suspresa de vèser que lor a finalament fòrça agradat: tant melhor trabalharem una cançon dins l'annada !

escotar aquí

 E vaquí la ficha de legir e d'emplenar:

Sus 25 mainatges,  aquò balhèt :

- 48 estelas  per Lo dalfin - la Reina e Minvielle - La vie d'ici bàs;

- 40 estelas per Alidé Sans- So jó,

- 38 estelas per La Mal coiffée - La perneta

- 35 estelas per Caliu - doman farà jorn

Balha tanben una ideà dels amators de musica o non ... per d'unes i aviá pas que 5 o 6 estelas sus la ficha , per d'autres n'iaviá 14 o 15!

En occitan:

- Recuèlh de poesias de Loïsà Paulin ( 10 poesias) recaptada dins lo somari per nivèls :

Classador de lectura literatura:

Lo classador de lectura/literatura recampa tot çò que se fa dins aquel domani . Mas coma compren mantunas menas de trabalh, es desseparat en 5 intercalaris ( LEGIR) .

Telecargar « Somari classador de lectura.pdf »

L coma Lexic/ Literatura pel trabalh de lectura seguida e questionaris de compreneson e   un trabalh per enrequesir lo lexic ( mots, expressions per cada libre o tèma traitat que serviràn tanben a enrequesir la produccion escrita) - aquò se fa solament en occitan .

Telecargar « Pagina de garda Lexic- Literatura.pdf »

E coma Entraïnaments/ Exercicis. Aquí se trapa los exercicis de fluéncia ( trabalh sus la vitessa de lectura de mots pels lectors aprendisses e de tèxtes pels lectors confirmits  trabalh dins las doas lengas.

Telecargar « Pagina de garda - Entraïnaments - Exercicis.pdf »  

G coma Gama de lectura : son d'exercicis ciblats sus la vitèssa, la compreneson de frasa de tèxtes) que se faràn cada 15 jorns en altenància amb lo plan de trabalh mai ciblat el, sus l'estudi de la lenga.

Telecargar « Pagina de garda - Gamas de lectura.pdf »

I coma implicita, inferéncia, induccion : s'i bota d'exercicis de compreneson sus l'implicita  e de trabalh sul paratèxte, lo contexte, l'anticipacion ...tot çò que fa qu'un lector aprendís ven un lector confirmit puèi un lector expèrt que sap legir entre las linhas. Lo trabalh se fa dins las doas lengas .

Telecargar « Pagina de garda - Implicita- inférencia- induccion.pdf »

R coma Rendut-compte - "Rallyes"- Recèrcas : s'i trapa aquí lo trabalh de mesa en relacion de tèxtes,  "Rallyes" sus una tèmatica, un periòd istoric, un tipe de tèxte,  los rendut-comptes de lectura quand un roman es acabat e los expausats ( Recèrcas d'informacions menadas pels expausats ).

Telecargar « Pagina de garda- Rendut-compte de lectura - Rallyes - Recèrcas.pdf »

Desparticion de las oras en lengas viventas (CM1/CM2):

1 ora 15 / setmana

Em mai de l'occitan, ai previst ongan de faire:

-  d'anglés ( 24 sesilhas de 45 mn)  

- d'espanhòl ( 24 sesilhas de 30 mn ) 

- de comparasons de lengas ( familhas de lengas) (10 sesilhas de 45 mn+ 10 sesilhas de 30 mn) :

* 5 sesilhas de comparasons de mantunas lengas. ( 45 mn)

- las lengas romanas  ( 2 sesilhas)

- las lengas germanicas ( 2 sesilhas)

- palancas inter-dialectalas ( lengadocian, gascon, provençal, limosin )...serà tanben l'escasença d'espepissar un pauc mai la carta de l'Occitania.

* 5 sesilhas  sus de lengas romanas especificas (45 mn), comparason amb l'occitan e lo francés / palancas ( catalan, italian, sarda, romanés, portugués )

* 10 sesilhas (30 mn) de compreneson de tèxtes ( lengas romanas) amb Euromania.

I aurà de segur d'ajustaments dins l'annada.

Desparticion de las oras consacradas al trabalh de la lenga orala e escrita: 

Vaquí la desparticion de las oras previstas per aquela dintrada.  I aurà segurament d'ajustaments dins l'annada.

(7 oras 15) per setmana:

Intervenenta de françés: ( 2x 2oras 45) CM1/CM2 desseparats.

* 2x 45 min : Estudi de la lenga ( en fr)  a partir de tèxtes literaris ( diferents tipes de tèxtes)- (manual Archilecture)

* 45 mn : Gramatica / conjugason, ( en fr)

* 30 mn : Ortografia /dictada  ( en fr)

Dins la classa CM1/CM2 amassa

* 2 x 45 mn literatura ( talhièrs LEGIR en fr/ òc) 

* 45mn produccion escrit :

( 1 chantièr escritura sus un tipe de tèxte per periòd)

5 tèxtes liures en fr en alternància amb 5 en occitan ( tres sesilhas al mens pels tèxtes liures- produccion, presentacion, correccion e reecritura). - (Aquí es sonque indicatiu, dependrà de la volontat d'escriure de cada mainatge! ...mai d'entresenhas sul tèxte liure a venir  )

* 45 mn plan de trabalh/ TI ( occitan) cada 15 jorns en alternància amb de gamas de lectura ( fr) 

* 30 mn : presentacion orala : literatura o expausat ( expausat en occitan / presentacion de lectura en fr) 

* 45 mn pròvas/ entraïnament lenga ( dins las doas lengas)