Per cada granda temporada istorica, abans de començar , fasèm una recèrca en trabalh de còla .

Dins la classa son 5 còlas ( 5 grops de 5 mainatges mesclats CM1/ CM2). La tòca primièra es de realizar una pichòta recèrca, capitar de cercar d'informacions dins de libres e de las organizar jos la forma d'una carta mentala. Mas es tanben  l'escasença de trabalhar en grop, escambiar, s'organizar, se botar d'accòrdi , e presentar un trabalh comun a la classa.

Trabalham sus 1 o 2 sesilhas de 45 min per la recèrca  e  1 sesilha d'una ora per la presentacion e lo trabalh de sintèsi.

Plan segur que manja de temps mas es fòrça ric al nivèl de çò que retenon e de çò que se jòga dins lo grop.

Vaquí un exemple tot fresc  amb l'Edat Mejana :

- La carta mentala de la recèrca es reprodusida al tablèu  e s'organizan dins la còla per poder emplenar cada branca de la carta mentala. An a posita totes los libres sus l'edat Mejana que pòsquèri trobar  e de fichas plastificadas de Mon Quotiden.